ʻŌlelo:

Ma 9 April 1894, ma ʻō aku o hoʻokahi makahiki ma hope o ka hoʻokahuli hewa ʻia o ke Aupuni Mōʻī o Hawaiʻi nei, ua hoʻopuka ʻia he ʻatikala ma lalo o ke poʻo manaʻo; Na Huaolelo Kumu o Hawaii Nei, E Hiki Ole Ai Ke Hoololi Ia, ma ka nūpepa ʻo Ka Leo o ka Lahui.

Ma ia ʻatikala i haʻi kūʻauhau ai ka mea kākau i nā kānāwai kumu koʻikoʻi o ke au i hala a hiki i kona wā. ʻO ka mua, wehewehe ʻo ia i ka hana no laila mai ka Māmalahoe Kānāwai; ʻo ia hoʻi ka haua ʻia o Paiʻea e Kainiki i ka hoe a me ona pehi ʻia e Kaluwai lāua ʻo Kauulu i ka pōhaku. Ma Papai, Puna Hawaiʻi kahi i paʻa ai ka wāwae o Paiʻea i ka māwae a ʻo ia ke kumu hea ʻia ai ia wahi ʻo Māwae i ka lā i palapala ʻia ai ia ʻatikala.

Kūkala ʻia hoʻi nā huaʻōlelo kaulana a Kamehameha Paiʻea e ō mau nei i kēia wā; E hele ka ʻelemakule a moe i ke ala, pēlā hoʻi ka luahine a me ke keiki liʻiliʻi, ma Kahaleʻioleʻole, Kaipalaoa Hilo i mua o Kainiki mā me ka hoʻopaʻi ʻole ʻia o lākou.

Eia hou kekahi; i ka make ʻana o Kamehameha I noi ʻia ʻo ia i huaʻōlelo na nā aliʻi e noho ana a puni ona, a ʻōlelo akula ia, “E naʻi wale nō ʻoukou i kuʻu pono ʻaʻole e pau.”

Ma ke au iā Kauikeaouli Kamehameha III kūkala ʻia kāna mau huaʻōlelo kaulana ma Kalauokukui, Honuakaha, Kona Oʻahu, ʻo ia hoʻi ʻo “Ua mau ke ea o ka ʻāina i ka pono.” a “ʻO ke kanaka pono ʻo koʻu kanaka ia, a ʻo ke kanaka hewa ʻaʻole ia nona.”

I ka panina o ka ʻatikala, wehewehe aʻela ka mea kākau i ka manaʻo nui o ia mau huaʻōlelo kumu, ʻo ia hoʻi ka pono a me ka ʻonipaʻa mau. ʻOiai ia e hōʻike ana i ka hewa na ka PīKī, aʻoaʻo ana ka mea kākau i ka lehulehu heluhelu, e kūpaʻa mau ma hope o ka pono a me ke aloha ʻāina, pēlā nō e lilo loa ʻole ai ka Paeʻāina ʻo Hawaiʻi.

I loko nō hoʻi o ka lilo hewa ʻana o ke alakaʻi ʻia o Ko Hawaiʻi Paeʻāina, mau ana nō ke ea o ke aupuni o Hawaiʻi i loko o kākou. E hoʻomanaʻo hoʻi i ka ʻōlelo a Liholiho i hoʻopuka ai i ʻEnelani; “ʻO koʻu aupuni, he aupuni ʻuʻuku nō ia, akā, he ʻonipaʻa naʻe ʻo ia, a eia kona nui.” E ʻonipaʻa mau kākou ma ka hana pono ma o ke aloha ʻāina, i ō mau nō ko kākou aupuni aloha.

English:

On 9 April 1894, over a year after the illegal overthrow of the Hawaiian Kingdom, an article was published under the heading; The Foundational Words of Hawaiʻi, That Cannot Be Simply Changed, in the newspaper Ka Leo o ka Lahui.

In this article the author recites a history of the important foundational laws of the time past until the time of the article. First, he explains the events that lead to the Law of the Splintered Paddle; which was when Paiʻea was struck on the head by Kaniki with a paddle whilst being pelted by rocks thrown by Kaluwai and Kauulu. This occurred in Papai, Puna Hawaiʻi, where Paiʻea got his foot stuck in a crack which is why it has been called Māwae until the time that this article was written.

The famous words that still exists today of Kamehameha Paiʻea were proclaimed; “Let the elderly men go and rest on the roadways, so too the elderly women and the small children,” This was done at Kahaleʻioleʻole, Kaipalaoa, Hilo before Kainiki and his contingent without punishing them for what they had done.

Here is another; when Kamehameha I was dying he was asked for final words by the chiefs that were surrounding him, he then said, “All of you must strive to perpetuate my good deeds for they are not yet complete.”

During the reign of Kauikeaouli Kamehameha III he proclaimed his famous words at Kalauokukui, Honuakaha, Kona Oʻahu, which were “The life of the land is perpetuated in righteousness.” And “The righteous person is my subject, the unrighteous is not.”

At the closing of the article, the author explains the main idea of all these foundational words, which are righteousness and steadfastness. Since the reason for this article was to point out the wrongdoings of the Provisional Government, the author was advising the readership to always be pono and have aloha ʻāina, that is how the Kingdom of Hawaiʻi will not be lost.

Even though the governance of the Hawaiian Nation has been lost, the essence of the Nation still lives inside of us. We must recall the words of Liholiho when he visited England; “My kingdom is a very small kingdom, but, it is resilient, that is what makes it great.” Let us be steadfast together through pono actions rooted in aloha ʻāina so that our beloved nation lives on.